‘To a Louse’: A Poem by Robert Burns
‘To a Louse’, a poem written in the Habbie dialect, sees Robert Burns musing upon the louse that he spots crawling on a lady’s bonnet in church – the louse does not observe class distinctions and regards all human beings equally, as potential hosts. As Burns concludes, ‘O wad some Power the giftie gie us / To see oursels as ithers see us!’ Such a power or ability would save us a lot of bother and ‘foolish notions’; but we cannot see ourselves as others see us. The one thing we cannot do is take the view of that louse.
To a Louse
Ha! whaur ye gaun, ye crowlin ferlie?
Your impudence protects you sairly;
I canna say but ye strunt rarely,
Owre gauze and lace;
Tho’, faith! I fear ye dine but sparely
On sic a place.
Ye ugly, creepin, blastit wonner,
Detested, shunn’d by saunt an’ sinner,
How daur ye set your fit upon her-
Sae fine a lady?
Gae somewhere else and seek your dinner
On some poor body.
Swith! in some beggar’s haffet squattle;
There ye may creep, and sprawl, and sprattle,
Wi’ ither kindred, jumping cattle,
In shoals and nations;
Whaur horn nor bane ne’er daur unsettle
Your thick plantations.
Now haud you there, ye’re out o’ sight,
Below the fatt’rels, snug and tight;
Na, faith ye yet! ye’ll no be right,
Till ye’ve got on it-
The verra tapmost, tow’rin height
O’ Miss’ bonnet.
My sooth! right bauld ye set your nose out,
As plump an’ grey as ony groset:
O for some rank, mercurial rozet,
Or fell, red smeddum,
I’d gie you sic a hearty dose o’t,
Wad dress your droddum.
I wad na been surpris’d to spy
You on an auld wife’s flainen toy;
Or aiblins some bit dubbie boy,
But Miss’ fine Lunardi! fye!
How daur ye do’t?
O Jeany, dinna toss your head,
An’ set your beauties a’ abread!
Ye little ken what cursed speed
The blastie’s makin:
Thae winks an’ finger-ends, I dread,
Are notice takin.
O wad some Power the giftie gie us
To see oursels as ithers see us!
It wad frae mony a blunder free us,
An’ foolish notion:
What airs in dress an’ gait wad lea’e us,
An’ ev’n devotion!
If you enjoyed ‘To a Louse’, you may also enjoy Robert Burns’s ‘John Anderson, My Jo’.